ისტორია საწოლში. ჯეფრი უიტმორი

ფრთხილად, დატენილია – თქვა მან საწოლ ოთახში შესვლისას.

ქალი საწოლის საზურგეზე იყო მიყრდნობილი.

– ეს შენი ცოლისთვისაა?
არა, ეს სარისკოა, კილერს დავიქირავებ.
და თუ კილერი მე ვარ?

კაცმა ჩაიცინა.

ვის მოუვა აზრად მამაკაცის მოსაკლავად ქალი დაიქირაოს?

ქალმა ტუჩები გაილოკა და ლულა კაცს მიუშვირა. შენ ცოლს.

როლან დ'არბანი ადრე ავტომექანიკოსი იყო. პატარა გარაჟში სახელოსნო ჰქონდა მოწყობილი. მერე სადღაც წავიდა. ამბობდნენ, თავგადასავლების საძებნელადო. არავინ იცის. გამდიდრებული დაბრუნდა. არასდროს მოუყოლია, ფული სად იშოვა. უცნაური კი ის არის, რომ გამდიდრების მერე მუდამ დანაღვლიანებული იყო. ეტყობა, რაღაც ისეთი გადახდა, რამაც მის ცხოვრებას ღრმა კვალი დაატყო. ავტომექანიკოსობას შეეშვა და თავისთვის რაღაცეებს წერდა. ბევრს სვამდა.