მორწმუნეები ჩვეულებრივ კვირას დილით, ლიტურგიის დაწყებამდე იკრიბებიან. მათ ჰგონიათ, რომ მღვდლის მიერ შლანგით მისხმული წყალი წმინდაა და არა მხოლოდ სულიერად განწმენდს, კიბოსგანაც და შიდსისგანაც განკურნავს.
მორწმუნეებს მთლიანად აშიშვლებენ. კაცები და ქალები რიტუალს ცალ-ცალკე ატარებენ, თუმცა შიშველ ქალებს განწმენდის რიტუალს კაცი მღვდელი უტარებს.
]]>
♚♚♚
რა იყო მერე – გამოვტოვოთ, ცნობილი ისტორიაა და პირდაპირ გარდაცვალების შემდგომ ამბებს მივადგეთ.
♚♚♚
ფიშერი ისე მოკვდა, რომ ანდერძი არ დაუტოვებია, არადა, ქონება გვარიანი დარჩა – დაახლოებით, 2 მილიონი დოლარი. რეიკიავიკის მუნიციპალურმა სასამართლომ (ბოლო წლები
ისლანდიაში ცხოვრობდა) ერთადერთ მემკვიდრედ ბობის ცოლი, იაპონელი მიეკო ვატაი აღიარა, მაგრამ 2009 წელს ისლანდიის უმაღლესმა სასამართლომ ქალს მემკვიდრეობა ჩამოართვა, აქაოდა, ქალმა საბუთები ვერ წარმოადგინა, რომ ქორწინება წესისამებრ იყო გაფორმებულიო.
♚♚♚
მიეკოს გარდა ქონებაზე პრეტენზიას ბობის დისშვილები აცხადებდნენ. მემკვიდრეობაზე პრეტენზია ჰქონდა შეერთებული შტატების ფინანსური სამსახურსაც, რომელიც ფიშერს მრავალი წელი ედავებოდა გადასახადების დამალვას. კიდევ ერთი პრეტენდენტი ფილიპინელი მერილინ იანგი იყო, რომელთანაც ფიშერი ერთი ხანი ცხოვრობდა და ქალი ამტკიცებდა, რომ მისი ქალიშვილი ჯინკი, ბობი ფიშერის შვილიც იყო.
გენეტიკური ანალიზისთვის, მერილინი ბობის გენეტიკურ მასალას იმ საავადმყოფოში ეძებდა, სადაც ფიშერი სიკვდილამდე მცირე ხნით ადრე იწვა.
უშედეგოდ.
ამის მერე, ქალმა სასამართლოს მიმართა ექსგუმაციის მოთხოვნით. რამდენიმე პროცესი წააგო, ბოლოს კი, ორი წლის თავზე, რაღაც მანქანებით საქმე ესპანეთის უმაღლეს სასამართლომდე მიიყვანა და ნებართვაც მიიღო.
მაგრამ რად გინდა – ექსპერტიზამ დაადასტურა, რომ ბავშვის მამა ბობი ფიშერი არ იყო. ამგვარად, მემკვიდრეობისთვის დავას ერთი პრეტენდენტი გამოაკლდა.
♚♚♚
ამასობაში მიეკო ვატაიმ როგორც იქნა ამოქექა საბუთები, რომ ბობის კანონიერი ცოლი იყო და ისლანდიის სასამართლომ მემკვიდეობა საბოლოოდ ისევ მას მიანიჭა. ქალმა ესეც არ იკმარა და ბობის დისშვილებს 57 ათასი დოლარიც აახია სასამართლო ხარჯების ასანაზღაურებლად.
♚♚♚
ჰო, თავში 8 იანვარი ვახსენეთ, როგორც ბობი ფიშერის პირველი დიდი მიღწევის თარიღი. 8 იანვარი მიეკო ვატაის დაბადების დღეცაა.♚♚♚
ფოტოები:
ბობი დასთან ერთად, დისშვილით ხელში;
ბობი საწილში მერილინთან და ჯინკისთან ერთად;
მიეკო ვატაი.
]]>მაგრამ ვინ იყო ქალი, რომელიც ამ ფიგურის შექმნისას სკულპტორს მოდელად ჰყავდა?
ეს ქალი იყო ელეონორა ველასკო ტორნტონი, პირადი მდივანი და საყვარელი ჯონ დაგლას სკოტ მონტეგიუსი, მეორე ბარონ მონტეგიუ-ბელიუსი.
ეს მონტეგიუ კი გახლდათ ავტომობილების დიდი ტრფიალი და მეგობარი ჩარლზ როლსისა და ინჟინერ როისისა. სწორედ მათი, როლს-როისის კომპანიის დამაარსებლებისა.
სერ მონტეგიუ როლსისა და როისის ოთხადგილიან ფაეტონსაც ფლობდა და პირველი იყო, ვინაც მანქანით შევიდა ბრინატეთის პარლამენტის ეზოში.
სერ მონტეგიუს სურდა, რომ მისი როლს-როისი სხვათაგან გამორჩეულიც ყოფილიყო და მეგობარს, სკულპტორ ჩარლს საიკსს ფიგურა-თილისმანი შეუკვეთა მანქანაზე დასამაგრებლად.
მოდელად კი, როგორც თავშივე მოგახსენეთ, თავისი საყვარელი გაგზავნა.
სკულპტორმა შეკვეთა შეასრულა და წლების მერე ფიგურა ყველა როლს- როისის განუყოფელ ნაწილად და სიმბოლოდ იქცა.
1915 წელს, პირველი მსოფლიო ომისას, სერ მონტეგიუ საყვარელ ქალთან ერთად ბრიტანული ლაინერით ინდოეთს მიემგზავრებოდა, როდესცა კუნძულ კრიტთან გერმანული წყალქვეშა ნავიდან გაშვებულმა ტორპედომ ლაინერი ჩაძირა. ყველაფერი იმდენად სწრაფად მოხდა, რომ სამაშველო ნავების ჩაშვებაც ვერ მოასწრეს. 330 მგზავრი დაიღუპა. სერ მონტეგიუს ბოლო წამამდე ხელი ჰქონდა ჩაჭიდებული ელეონორისთვის, მაგრამ აფეთქებამ ის განზე მოისროლა. სერ მონტეგიუ გადარჩა, ქალი კი, რომელიც როლს-როისის სიმბოლო იყო, დაიღუპა.
ეს ამბავი 30 დეკემბერს მოხდა.
]]>ოფიციალური ცნობით, სწორედ ამ დღეს, 23 დეკემბერს დახვრიტეს ბერია. ლავრენტი პავლოვიჩს კომუნისტურ ჯოჯოხეთშიც გზა ჰქონია, ქვემოთ, კი ვალენტინა დროზდოვაზე მოგიყვებით.
ვალენტინა 16 წლის მოსწავლე იყო, როცა 50 წლის ლავრენტიმ თვალი დაადგა და საყვარლად გაიხადა. მეორე ვერსიით, ლავრენტი ჯერ გოგონას დედას ტყ@@@და და ქალიშვილზე მერე გადაერთო.
ასეა თუ ისე, ვალენტინა დაორსულდა და გოგონა გააჩინა, რომელსაც მარტა (ეთერი) დაარქვეს. მოგვიანებით ეთერი პოლიტბიურის წევრ გრიშინის ვაჟს გაჰყვა ცოლად.
ერთ დღესაც გაზეთ „პრავდაში“ ბერიას დაჭერის შესახებ ცნობა გამოქვეყნდა. ვალენტინას დიდხანს არ უფიქრია, მაშინვე გაიქცა სადაც საჭირო იყო და ჩვენება დაწერა, ბერია მაუპატიურებდა და მუქარით მაიძულებდა მასთან თანაცხოვრებასო.
ლავრენტის ჯოჯოხეთში გასტუმრების შემდეგ, ვალენტინა სავალუტო სპეკულიანტ (фарцовщик) იან როკოტოვის საყვარელი გახდა.
საბჭოთა კავშირში ფარცოვშჩიკობაზე დავხრეტა იყო და მართლმსაჯულებამ როკოტოვიც ბერიას გზას გაუყენა.
ვალენტინამ ბევრი იგლოვა თუ ცოტა, ცოლად გაჰყვა ფარულ მილიონერს, ე.წ. ცეხავიკ ილია გალპერინს, რომელიც ტრიკოტაჟს აწარმოებდა და დიდძალ ფულს შოულობდა.
და რა გგონიათ? დიახ, გალეპინიც დახვრიტეს.
ვალენტინა დროზდოვამ კიდევ დიდ ხანს იცოცხლა და 2014 წელს, 81 წლისა მშვიდად აღესრულა.
კლარა, ასე ერქვა ქალს, 13 წლის იყო, როცა შინამოსამსახურედ დაიწყო მუშაობა საკუთარ ბიძასთან, დედის ძმასთან. იმ დროს ბიძას ჯერ კიდევ პირველი ცოლი ჰყავდა.
რამდენიმე წელიწადში, ბიძას, როგორც ჩანს, თავისზე 14 წლით უფროს და ავადმყოფ ცოლთან ურთიერთობა მობეზრდა და სახლში შინამოსამსახურედ თავისი საყვარელი, 19 წლის ფრანცისკა მიიყვანა. ორი შინამოსამსახურის ადგილი სახლში არ მოიძებნა და კლარა მშობლების სახლში დაბრუნდა.
მერე პირველი ცოლი მოკვდა. ბიძამ ცოლად ფრანცისკა მოიყვანა, შინამოსამსახურის გამოთავისუფლებულ ადგილას კი კლარა დაბრუნდა.
ამბავი სერიალის პრინციპით გაგრძელდა. ბიძამ დისშვილთან იცუღლუტა და დააორსულა კიდეც. დაორსულებიდან სულ მცირე ხანში მეორე ცოლიც ზეციურ ავსტრიაში გაემგზავრა და კლარასაც ცოლის ადგილი გამოუთავისუფლდა.
თუმცა ეს ამბავი იოლად მოსაგვარებელი არ აღმოჩნდა, ადგილობრივმა მღვდელმა ბიძა-დისშვილის დაქორწინებაზე კატეგორიული უარი განაცხადა და კაცმაც ვატიკანს მიმართა ნებართვისთვის.
მიიღო კიდეც.
კლარამ საკუთარ ბიძას 6 შვილი გაუჩინა, თუმცა ცოლად თავს მაინც ვერ აღიქვამდა – სახლში შინამოსამსახურესავით იქცეოდა, ქმარს კი ძია ალოიზს ეძახდა.
ანუ ალოიზი საკუთარი შვილის მამაც იყო და ბაბუაც.
წლების შემდეგ კი მისი შვილიშვილი მეორე ქორწინებიდან (გელი) და შვილი მესამე ქორწინებიდან (ადოლფი) საყვარლები გახდნენ.
ასეთ ოჯახში დაიბადა ადოლფი.
ჰიტლერებს უკუღმართობა თაობები მოჰყვებოდათ.
]]>საინტერსო იყო სადამის პირველი პროცესი, სადაც მასსა და მოსამართლეს შორის ასეთი დიალოგი გაიმართა:
მოსამართლე: გთხოვთ, დაასახელოთ თქვენი სრული ვინაობა და საქმიანობა.
სადამი: არ ვაპირებ დაგღალოთ ზედმეტი სიტყვებით, მე სავსებით მაკმაყოფილებს, როგორ აწამოებთ საქმეს. ყველაფერი დანარჩენი მხოლოდ ალაჰმა უწყის.
მოსამართლე: დაასახელეთ თქვენი ვინაობა. თქვენ კიდევ გექნებათ დრო სხვა საკითხებზე აზრის გამოსათქმელად.
სადამი: თქვენ მე მიცნობთ! თქვენ ერაყის მოქალაქეები ხართ და უნდა იცოდეთ, ვინ ვარ! მე ვინარჩუნებ კონსტიტუციურ უფლებებს, როგორც ერაყის პრეზიდენტი. და ვინ ხართ თქვენ?
მოსამართლე: არსებობს ფორმალობები. აუცილებელია, რომ თქვენი ვინაობა თქვენგანვე გავიგოთ.
სადამი: მე არ ვუპასუხებ ამ სასამართლოს. როგორც ერაყის პრეზიდენტი, დავიტოვებ ჩემს უფლებებს. თქვენ მე მიცნობთ.
სადამი ჯდება. მოსამართლე მას დამხობილ პრეზიდენტად მოიხსენიებს.
სადამი: მე ვთქვი, რომ ერაყის პრეზიდენტი ვარ. მე არ მითქვამს დამხობილი…
]]>გარდაცვლილი ძველი დროის დიდი ჩემპიონი, სტელა უოლში აღმოჩნდა. ეს მისი ამერიკული სახელი იყო, დაბადებისას კი სტანისლავა ვალაშევიჩი ერქვა. პოლონელი იყო და მოგვიანებით მიიღო ამერიკის მოქალაქეობა.
სტელა უოლშის შედეგებს ბარე ორი სპორტსმენი ინატრებდა.
სტელა ოლიმპიური ჩემპიონი იყო 100 მეტრზე სირბილში, იყო ოლიმპიური ვიცე ჩემპიონიც. 2-გზის ევროპის ჩემპიონი, 4-გზის საერთაშორისო ქალთა თამაშების გამარჯვებული, 3-გზის უნივერსიადების ჩემპიონი და 5 მსოფლიო რეკორდის მპყრობელი.
აი, ასეთი ქალი ემსხვერპლა მაღაზიაში ძარცვას, თუმცა ამბავი სიკვდილით არ მთავრდება.
ამერიკული კანონებით, ნებისმიერი არაბუნებრივი სიკვდილი ცხედრის გაკვეთას მოითხოვს და ასე მოხდა ამჯერადაც.
გაკვეთამ კი აჩვენა, რომ სტელა უოლში ინტერსექსუალი იყო, ანუ ორივე სქესის ნიშნებს ატარებდა, რასაც მოძველებული ტერმინით ჰერმაფროდიტიზმსაც ვეძახით. გაკვეთამ აჩვენა, რომ სტელას არ ჰქონდა საშვილოსნო, გააჩნდა ანომალიური შარდსადენი და განუვითარებელი სასქესო ორგანო. ქრომოსომების ანალიზმაც მიღებული ნორმიდან გადაცდენა აჩვენა.
ამ სრულიად მოულოდნელი აღმოჩენის შემდეგ, გაჩნდა კითხვა სტელას სპორტულ მიღწევებთან დაკავშირებით. სოკ-მა და მძლეოსნობის საერთაშორისო ფედერაციამ ამ საკითხზე საჯარო მსჯელობა არ მოინდობა და ყველაფერი ძველებურად დატოვა. კორონერმა კი განაცხადა, რომ სტელა სოციალურად, კულტურულად და იურიდიულად ქალი იყო.
]]>ამერიკელი ენ ელიზაბეტ ჰოჯესი კაცობრიობის ისტორიაში ერთადერთი ადამიანია, რომელსაც – დოკუმენტურად დადასტურებულად ვიცით – რომ კოსმოსიდან შემოჭრილი მეტეორიტი მოხვდა და გადარჩა.
იმ დღეს, 1954 წლის 30 ნოემბერს, ქალი ალაბამას შტატის პატარა ქალაქ სულაკოგაში, თავის სახლში, ტელევიზორის წინ სავარძელში იჯდა და თვლემდა. უცაბედად, 4 კილოგრამიანმა კოსმოსურმა სტუმარმა სახლის ჭერი გაანგრია, რადიოს დაეცა, აისხლიტა და ქალს მოხვდა.
თანაქალაქელებმა (მოგვიანებით მეტეორიტის ამ ნატეხს სწორედ ქალაქის სახელი ეწოდა) თავდაპირველად ჩათვალეს, რომ რუსების სარაკეტო იერიშის მსხვერპლები გახდნენ. ატომურ ბომბზეც კი აიღეს ეჭვი, თუმცა მალევე დამშვიდდნენ და უღბლო (ან ეგებ პირიქით, იღბლიანი) დიასახლისის სახლისკენ გაეშურნენ.
მეორე დღეს ენ ელიზაბეტ ჰოჯესმა – კაცობრიობის ისტორიაში ერთადერთმა მეტეორიტმოხვედრილმა და გადარჩენილმა ადამიანმა -სახელგანთქმულმა გაიღვიძა. ინციდენტმა მხოლოდ ჰემატომა დაუტოვა. ქალში თავისი უნიკალურობის მატერიალურ კეთილდღეობად ქცევის ჟინმაც გაიღვიძა და გადაწყვიტა, მეტეორიტით ფული ეშოვა. მომქანცველ სასამართლო პროცესშიც კი ჩაება, კოსმოსურ ქვაზე საკუთრების უფლება რომ დაემტკიცებინა. საბოლოოდ საკუთრებად კი გაიფორმა, მაგრამ ბიზნესი არ გამოუვიდა. სარფიანად ვერ გაყიდა და ბოლოს, ხელი რომ ჩაიქნია, ისევ მუზეუმს აჩუქა.
კაცობრიობის ისტორია უამრავ კრიმინალურ საიდუმლოს ინახავს. მათგან ერთი, გიუნტერ შტოლის იდუმალი სიკვდილის საქმეა. გერმანელი ინჟინერი 37 წლის წინ, ამ დღეს, 26 ოქტომბერს დაიღუპა და მისი სიკვდილის საიდუმლო დღემდე ამოუხსნელია.
გიუნტერ შტოლი ფედერაციულ გერმანიაში, ქალაქ ვილნსდორფში ცხოვრობდა და პარანოიის მსუბუქი ფორმით იტანჯებოდა. პარანოია იმაში გამოიხატებოდა, რომ ცოლს გამუდმებუთ უყვებოდა უცნობ ადამიანებზე, რომლებსაც მისთვის ზიანის მიყენება სურდათ. ცოლი მონათხრობს არ იჯერებდა და პარანოიის სიმპტომად მიიჩნევდა. 25 ოქტომბრის იმ საღამოს, დაახლოებით 11-ზე, შტოლმა ცოლთან საუბრისას ერთხელად ახსება „ისინი“, შემდეგ გაირინდა და უეცრად აღმოხდა: „ახლა ჩემთვის ყველაფერი გასაგებია!“ შტოლი ფურცელს და კალამს ეცა და 6 იდუმალი ასო-ნიშანი დაწერა: YOGTZE. შემდეგ ნაწერი გადახაზა, სახლიდან გავარდა და თავის საყვარელ პაბ „პაპილონს“ მიაშურა, სადაც კათხა ლუდი შეუკვეთა.ბარში შტოლმა უეცრად გონება დაკარგა, დაეცა და სახე დაარტყა. მოგვიანებით მოწმეებმა განაცხადეს, რომ შტოლი მთვრალი არ ყოფილა. გონზე მოსული ინჟინერი ბარიდან გამოვიდა და თავისი თეთრი ფოლკსვაგენ გოლფით სადღაც გაეშურა.
შუაღამეს გადასცდა, 26 ოქტომბერი დადგა, ღამის 1 საათზე შტოლი ქალაქ ჰაიგერში ჩავიდა და ვინმე ერნა ჰელფრიცს მიადგა სახლში. ელგა ღრმად მორწმუნე ქალი იყო. შტოლი მას ბავშვობიდან იცნობდა. გვიანი და უეცარი ვიზიტით უკმაყოფილო ქალმა ინჟინერს სასწრაფოდ სახლში წასვლა ურჩია, რაზეც შტოლმა მიუგო: „ამ ღამეს რაღაც საშინელი უნდა მოხდეს!“ ღამის 3 საათზე სატვირთო მანქანების ორმა მძღოლმა ერთმანეთისგან დამოუკიდებლად, ჰაიგერიდან 100 კილომეტრის დაშორებით, დალეწილი ფოლკსვაგენ გოლფი დაინახეს, მანქანასთან კი ღია ფერის ქურთუკიანი მამაკაცი იდგა, რომელიც დაჭრილს ჰგავდა. შემთხვევის ადგილას მისულმა პოლიციამ გიუნტერ შტოლი მანქანაში, მძიმე მდგომარეობაში და რაც ყველაზე უცნაური იყო, სრულიად შიშველი იპოვა. შტოლი ჯერ კიდევ გონებაზე იყო. მან პოლიციას უთხრა, რომ ოთხმა მამაკაცმა, რომლებიც მანქანაში მასთან ერთად იმყოფებოდნენ, ის სასტიკად სცემეს. მან პოლიციას ასევე უთხრა, რომ მამაკაცებს არ იცნობდა. პოლიციელებმა შტოლი საავადმყოფოში წაიყვანწე, თუმცა ის გზაშივე გარდაიცვალა. ადგილზე მისულმა ექსპერტებმა დაადგინეს, რომ შტოლი არავის უცემია და არც მანქანაში მჯდომს მიუღია ტრავმა. არამედ მას, ფეხით მოსიარულეს, სხვა მანქანა დაეჯახა და მხოლოდ ამის მერე მიიყვანეს და ჩასვეს საკუთარ მანქანაში. ამასთანავე მანქანის დაჯახების მომენტში ის უკვე შიშველი იყო. შტოლი მანქანას თავად ჩაუვარდა თუ განზარახ დააჯახეს, ამ დრომდე ამოუცნობი რჩება. ასევე არავინ იცის, მართლა არსებობდა თუ არა 4 იდუმალი მამაკაცი, რომლებზეც ის სიკვდილის წინ ყვებოდა. დღემდე უცნობია ქურთუკიანი მამაკაცის ვინაობაც.მეშიფრეებმა კი 6 საიდუმლო ასოს გაშიფრვა ვერ მოახერხეს.
…
ეგებ, ინჟინერ გიუნტერ შტოლს არც პარანოია ჰქონია?
მონრეალში, გასტროლის დროს, ჰუდინის საგრიმიოროში სამი სტუდენტი შევიდა. მათგან ერთი, გორდონ უაითჰედი კოლეჯის ჩემპიონი იყო კრივში. მას ჰუდინისთვის უკითხავს, მართლა შეეძლო თუ არა მუცელში დარტყმების გაძლება და თუ მართლა ვერ გრძნობდა ამ დროს ვერაფერს, როგორც ხალხი ყვებოდა. ლეგენდა გვეუბნება, რომ ჰუდინი ფიქრს მისცემოდა და ანგარიშმიუცემლად დაუქნევია სტუდენტისთვის თავი. ამასაც თავის დაქნევა თანხმობად მიუღია და ღონივრად დაურტყამს ჰუდინისთვის მუცელში ორჯერ თუ სამჯერ.
ძლიერმა დარტყმებმა ჰუდინი ცხადია, ფიქრს მოსწყვიტა და სტუდენტი შეაჩერა – მოიცადეთ, მომზადება მჭირდებაო. ამის მერე პრესი დაუჭიმია და დარტყმის უფლემა მიუცია. გორდონ უაითჰედს ისევ დაურტყამს და უგრძვნია, რაოდენ გაქვავებული ჰქონდა მუცელი დიდ ილუზიონისტს.
მომდევნო რამდენიმე დღე ჰარის მუცლის არეში ტკივილები ჰქონია. ფიქრობდა, რომ სტუდენტი მოკრივის მოულოდნელი დარტმების ამბავი იყო. დეტროიტში გამოსვლის დროს კი ილუზიონისტი პირდაპირ სცენაზე დაეცა და ჰოსპიტალში წასაყვანი შეიქნა. ჰუდინის აპენდიციტის გაგლეჯვა დაუდგინეს რის გამოც პერიტონიტი განუვითარდა. ექიმებმა ხელები ჩამოყარეს და გარდაუვალი სიკვდილი იწინასწარმეტყველეს.
როგორც თავშივე ვთქვით, ჰარი ჰუდინი 31 ოქტომბერს აღესრულა.
მას მერე დავობენ, გახდა თუ არა სტუდენტი მოკრივის დარტყმა ჰუდინის გარდაცვალების მიზეზი. პირდაპირი კავშირი მუცელში დარტყმებსა და აპენდიციტს შორის ვერ დადგინდა. თუმცა იმასაც ამბობენ, ჰუდინის მუცლის ტკივილი დარტყმის შედეგი რომ არ ჰგონებოდა, აპენდიციტზე აიღებდა ეჭვს და დროული სამედიცინო ჩარევა გადაარჩენდაო.
ვინ იცის…
]]>